Ro Akaeanon hay Bukon it Hiligaynon
Anu ro ing nabatyagan nga hibasa mo ra sa imong kaugalingon nga hambae? Pilang beses ka eon nakakita it Akeanon nga blog o website iya sa internet umpisa nga nag-antigo ka mag-surf?
Kat naga-eskwela ako sa Manila, malipay ang buot kun makabati ako it aton nga hambae ag bisan pa nga owa ku makilaea rong naga-estorya, ginapresentar ko kanda nga haeubtan ko rong andang gina-estoryahan. Akeanon gid nga eae-ag, kon kay Ka Roger pa. Daea kong kahidlaw ag kung bugae nga ikapakilaea sa iba nga ako hay tumandok it Akean ag kaliwat ku 10 nga Datu it Madyaas (Panay) , nga ako hay nagadam-os it buling sa uyahon, nagasad-sad sa kalye kon makabati ku patik it tamboe ag nagapanaad kay Sto. Niño. Ngani nga sa seminaryo, bisan pa nga ako man lang rong Akeanon nga hanueod ag bisan pa nga gusto akong kabigon kung mga Hiligaynon nga andang kasimanwa, ginpakilaea ko sa mga Waray ag Bicolano, sa mga Kapampangan ag Ilokano, sa mga Bisaya (Cebuanos) ag Chabacanos, sa Tagalog ag mga Español--Akeanon ako. Nga bisan nga libagon ako (si Atess, akon nga Voice major nga amiga, hay indi ugaling magpati), ginpilit ko nga ipabati kanda rong Komposo it Mamumugon.
Habasa ko kahapon (Marso 15, 2012), ag raya rong akon nga reaksyon sa ay Sir Randy David (bukon ta ra imaw it Knight ha, hehehe) nga pamaeandong sa anang Public Lives nga column una sa Philippine Daily Inquirer nga 12 ka major nga lingwahi eat a rong pagasugtan it DepEd nga gamiton sa pag-implementar kung Mother Tongue-Based Multilingual Education (MTB-MLE) nga programa bilang parte ku K+12 paradigm nga gina-adaptar kung aton nga gobierno. Owa una rong Akeanon. Buot hambaeon, Hiligaynon rong mangin medium ku mga maeastra sa pagturo sa aton nga mga inunga riya sa Akean.
Kon kato ta kunta, rong mga inunga hay naeatob ta eagi sa hambae ku nga Ilonggo ay sa paeanta pa eat a rong TV kato ag eaban hay drama sa radyo rong ginapamati-an. Iba eot a makaron rong sitwasyon. Nabudlayan eon man ngani ra sanda bisan magbasa o magsueat it Akeanon. Estranghero man kanda ro Hiligaynon ay TV ag Computers eot a rong andang kalingawan makaron. Ro iba, nagapamati man it radyo--FM eang galing ag puro music ag ininglish man do hambae it DJ. Sa simbahan, maabu rong nagahambae nga indi nanda maintiendihan rong seremonyas bangod ku paggamit it Hiligaynon nga liturhiya.
Samitan ta it sangdag-on rong paggamit ku programa ngara. Pero, tan-awon ta rong ipekto sa aton nga mga inunga. Akeanon ta kita. Dapat eang nga batakon naton sa mas mataas nga halintang rong aton ngarang lingwahi agod mangin takos man nga gamiton para ika-commonicar naton rong aton nga kustombre ag kinamugtawan, rong aton nga pagpahaeaga sa pagtueon-an ag pagtueo-uhan.
Akeanon nga libro para sa pagtueon-an. Akeanon nga Bibliya para sa aton nga pagtueo-uhan.
 |
| Kon igaimplementar eon rong Mother Tongue-Based Multilingual Education (MTB-MLE) iya sa aton, Hiligaynon eon man kita ay owa 't a naeakot rong Akeanon sa 12 ka major languages nga pagagamiton kung DepEd. |
Kat naga-eskwela ako sa Manila, malipay ang buot kun makabati ako it aton nga hambae ag bisan pa nga owa ku makilaea rong naga-estorya, ginapresentar ko kanda nga haeubtan ko rong andang gina-estoryahan. Akeanon gid nga eae-ag, kon kay Ka Roger pa. Daea kong kahidlaw ag kung bugae nga ikapakilaea sa iba nga ako hay tumandok it Akean ag kaliwat ku 10 nga Datu it Madyaas (Panay) , nga ako hay nagadam-os it buling sa uyahon, nagasad-sad sa kalye kon makabati ku patik it tamboe ag nagapanaad kay Sto. Niño. Ngani nga sa seminaryo, bisan pa nga ako man lang rong Akeanon nga hanueod ag bisan pa nga gusto akong kabigon kung mga Hiligaynon nga andang kasimanwa, ginpakilaea ko sa mga Waray ag Bicolano, sa mga Kapampangan ag Ilokano, sa mga Bisaya (Cebuanos) ag Chabacanos, sa Tagalog ag mga Español--Akeanon ako. Nga bisan nga libagon ako (si Atess, akon nga Voice major nga amiga, hay indi ugaling magpati), ginpilit ko nga ipabati kanda rong Komposo it Mamumugon.
Habasa ko kahapon (Marso 15, 2012), ag raya rong akon nga reaksyon sa ay Sir Randy David (bukon ta ra imaw it Knight ha, hehehe) nga pamaeandong sa anang Public Lives nga column una sa Philippine Daily Inquirer nga 12 ka major nga lingwahi eat a rong pagasugtan it DepEd nga gamiton sa pag-implementar kung Mother Tongue-Based Multilingual Education (MTB-MLE) nga programa bilang parte ku K+12 paradigm nga gina-adaptar kung aton nga gobierno. Owa una rong Akeanon. Buot hambaeon, Hiligaynon rong mangin medium ku mga maeastra sa pagturo sa aton nga mga inunga riya sa Akean.
Kon kato ta kunta, rong mga inunga hay naeatob ta eagi sa hambae ku nga Ilonggo ay sa paeanta pa eat a rong TV kato ag eaban hay drama sa radyo rong ginapamati-an. Iba eot a makaron rong sitwasyon. Nabudlayan eon man ngani ra sanda bisan magbasa o magsueat it Akeanon. Estranghero man kanda ro Hiligaynon ay TV ag Computers eot a rong andang kalingawan makaron. Ro iba, nagapamati man it radyo--FM eang galing ag puro music ag ininglish man do hambae it DJ. Sa simbahan, maabu rong nagahambae nga indi nanda maintiendihan rong seremonyas bangod ku paggamit it Hiligaynon nga liturhiya.
Samitan ta it sangdag-on rong paggamit ku programa ngara. Pero, tan-awon ta rong ipekto sa aton nga mga inunga. Akeanon ta kita. Dapat eang nga batakon naton sa mas mataas nga halintang rong aton ngarang lingwahi agod mangin takos man nga gamiton para ika-commonicar naton rong aton nga kustombre ag kinamugtawan, rong aton nga pagpahaeaga sa pagtueon-an ag pagtueo-uhan.
Akeanon nga libro para sa pagtueon-an. Akeanon nga Bibliya para sa aton nga pagtueo-uhan.
Comments
Post a Comment