Ro agnostic suno kay Webster hay isaeang ka tawo nga nagakabig nga ro Dios o ro pinakarason it tanan hay indi makilaea o masayuran. Basi man, basi owa. Makara ro panan-aw ko akon nga amiga.
Sa akon nga panan-aw, tanan kita, tumueo-o ka man o bukon, agnostic ka man o atheist, hay may ginakilaea nga dios. Ro tawo nga atheist hay nagakabig sa Dios nga patay o tawohanon eamang nga concepto. Bisan pa, imaw ron hay may ginaprioridad sa anang kabuhi--pwede nga kwarta, gahum, poder, bugae, do a kaugalingon, do a familia, gugma, trabaho, eugta ag iba pa. Rong bagay nga mahaega sa anang kabuhi hay imaw rong nagatao kana it inspirasyon ag kahueogan, kabakod ag direksyon.
Sa akon nga amiga, rong bagay nga nagatao kana it kasiguruhan hay rong sciencia. Kana, rong science eamang do may kapas nga makatao it explinasyon sa tanan nga butang nga ma-abot it aton nga mga senses. Kana, rong observable hay imaw rong matuod.
Sa akon nga panan-aw, ro science rong dios it akon nga amiga. Sa akon nga logic, imaw man hay tumueo-o. Sumueonod imaw it sciencia. Ngani nga bukon imaw it agnostic.
No comments:
Post a Comment